1. Новини Закарпаття
  2. >
  3. Вся область
  4. > >

Частина Закарпатської історії: як римляне до околиць Королева ходили

30.01.2021 08:52 Культура Голос Карпат

Автор історичного очерку закарпатський гуморист і голова Виноградівського районного товариства ім. Ол. Духновича Михайло Чухран.

Автор історичного очерку закарпатський гуморист і голова Виноградівського районного товариства ім. Ол. Духновича Михайло Чухран.

Подаємо мовою оригіналу.

ПОХОДЫ РИМЛЯН ДО ОКОЛИЦЬ КОРОЛЕВА

Попалася ми ся в рукы малознана широкуй публіці книга "Очерки по истории географических открытий" проф. Магідовича І.П., выдана в Москві (вид. "Просвещение", 1982). У гл.7 "Римляни в Центральнуй Європі, Азії тай Африці" находиме интересноє описованя походув римськых войськ у Верхньоє Потисся.

Імператор Тиберій завойовав Середньодунайську низовину и приєднав ‘ї до имперії, яко провінцію Паннонія, у 9 році н.е. Межі її простяглися до пудножжя Карпат, якраз до королевських околиць. З того часу войовничоє и многочисленноє племня дакув непрестанно нападало на римські зимлі, аж докіть за них не взявся імператор Траян.

У 101-106 годах н.е. імператор Траян розбив войсько дакійського царя Децебала, завоюйовав його столицю Сармізегетузу и приєднав територію теперішньої Трансільванії до Римської імперії – яко провінцію Дакію. Легіоны Траяна добралися аж до теперішньої території Королева – міста, знаного типирь, як Малокопанськоє городище. Туй вони захопили и розрушили поселення Сетідава, де товды ґаздовав фракійськый народ — костобокы, котрі входили до гето-дакійської державы. Они ся примудрили несанкціоновано чеканити сріберні римські монеты–сестерції, причому срібло у них было майчистоє, ги іберійськоє (іспанськоє) срібло, из якого и чинилася римська оригінальна валюта. Ужгородські археологы знайшли туй монеты Септимія Севера та Люція Вера. На території самого Королева, до слова, при чехах найшли сестерції імператора Коммода, айбо ото вже майпузніший період.

Експедиція Траяна у Карпаты исповнилася дуже успішно – привюз, яко трофеї, до Рима величезноє богатство – 20 тонн золота і 40 тонн срібла, до того ж захопив родовища жіліза, міді, соли.

У 174-175 годах імператор Марк Аврелій у долині Тисы громив сарматськоє племня язигув и просунувся, переслідуючи їх, до міста, де Тиса уходит из гор на долину, около 48⁰ сіверної широты (а координаты теперішнього Королева 48⁰ 09ʹ сів.ш., 23⁰ 08ʹ сх.д. точно на выході Тисы з гор!). Туй ун розбив конноє войсько якогось племені бастарнув, очольованоє двома вождями. За сим были проведені ще дві операції против сарматув, видимо, десь недалеко.

З позиції історико-географічної Марк Аврелій завершив удкрытя Середньодунайської низовины и вшиткої течії Тисы. Римляни доконечно ознакомилися з 700 км удрізком дугы горної системы Карпат, котра стала сіверно-віходным готаром імперії у час її майвысшого розцвіта.

Нагадаємо, закарпатські нардепи не логічні в своїх "тарифних" позиціях.

Цей матеріал також доступний на таких мовах:Російська
загрузка...