1. Новини Закарпаття
  2. >

"Закарпато турісто": в мережі пожартували над місцевими, які зібрались відпочивати за кордон

08.09.2019 11:36 Суспільство Лайт

Образ закарпатського туриста представили в гумористичному ключі.

Допис у Фейсбуці оприлюднила користувачка Маріка Данканич. Нижче подаємо текст мовою оригіналу:

ЗАКАРПАТО ТУРІСТО

Раньше закарпатці вообще ни подорожували,бо фурт вкладали гроші у обшарря, ремонты,обновкы,пристройкы.Ко чув кільтовати гроші на отдых?Ото дуригріш ,ліпше дітьом дати.Типир часы ся поміняли и ,никавучи на Фийсбуці фоткы, каждый ся задумать: «А чого нєт? Кум быв у Турції,а я што хуже?Жоно ану вбирайся,идеме у турагенство броньовати путьовку!...Я ти серйозно кажу,я ни фіглюву!....Пак чогом п‘яный?Просто хочу ти вказати море.Кидь го жити та го жити!Идеме ни в три зіркы,а в All inclusive!И так ись фурт у горшках ,та типир мало отдохнеш».
....Ташкы спаковані,котлєты на путь напечені,сіли на дорожку,велли на ся хрест ,но з Богом!Поникав ищи на хыжу на прощання и гет...
....Аеропорт.Люди ги мурянок,усі лопонять по телефону,усі щасливі,чинять селфі,лим закарпатці выділявуться из толпы,бо у них страшно зажуреноє лице.А щи бы!

Кидь у голові ся крутить тілько думок: «Ци напойить нивістка свиня?
Ци вбріже зять лугош?
Ци ни забудуть пілляти огірки?
А пасуля!Треба ї зорвати и полущити!
Йой а падаліці назбирати на палинку!
А парадичкы !Якраз файні на томат!
Квочка сидить на яйцьох!
Товар треба завезти в бовт !
Звіты в налогову!.....

Йой зря я ся согласив їхати,было щи вчинити йсе,тото,ищи дашто.Ее!Де ми розум быв?А щи кидь самольот упаде, а мы ни побілили няріку?!»
Добре што спереду Дьюті Фрі,якоє мош назвати психологом,бо туй знимавуть стрес.Нáсилу!Нáсилу промыкать тото дорогоє віскі,бо оно фуфло пиля домашньої слівовіці,што гладко йде в гыртанку.

Готель.Поселення.Першый брекфест. «Господи,кілько ся кільтує їдіня!Ци вы здуріли?Кілько бы вто курьом ся дало дзьовбати,а свиням на помыї!Я на йсе ни годен позирати!Душа ня болить!А вбы йсе чилядь стара віділа ,та рукы бы вам поламала!»
Наш чилянник ходить узад-уперед из тарілом ,убирать што веричи в рот,принюхаєся,усьо нипривычноє.Каже поварам: «Пак а веґеты в вас ниє?А попру мало тай челленої попригы мадярської?» Колачі тоже штось ни такі на смак: «Йой жоно!Так, ги ты ми спечеш «олмаш»(яблочноє) ,нико ми ни спече!»
...Лежить на пляжови,позирать на пісок: «Што файный бы быв на штукатурку!» Морськый воздух так прочистив мозгы,што в голові типир много планів,ідей,реконструкцій.

Фоткы гурі пальмов из усьых ракурсів.А з моря фоткы!Раз до кісточкы,пак до куліна,пак до пояса,пак до шиї....Нараз ся вдправлявуть у Фейсбук,най видять цімборы, ош він лабы в море замочив.
-Жоно,ану стань зо мнов!Ни затягуй черево!Най видять ,ош мы туй ни голодуєме!Будь така гись є,я тя й таку люблю!
-Нооо,ануу,поникаву, кілько нам лайків покладуть....
-Ану сфоткайня пуд пальмов...,из мавпов.....,из верблюдом....,из афроамериканцьом

Тритьый динь отдыха,а нашым чилянником уже мийрег трясе!Міста си ни находить!Як мош тілько сидіти без роботы?Кілько бы уже дома перевнажив! Уже го рукы чешуть,так бы робив.Уже переникав усю поливочну систему в готелі,фільтрацію басейна,поняв ош як тупо покладена плитка у ванні,комната мала,бо фурт ся б’є у постіль.А жона!Нигадала бы вже оболокы перемыти у готельови тай паутиня позбирати. Прибиральникы заходять у номер та ся ни розумівуть,ци вни уже туй харили,ци нєт,бо така чистота.

На їдіня тото уже никати нигоден.Так ся хоче сербаної пасулі,вадь крумпиль на шпорі.А кавиль!Як го туй ни хватає! «Всьо!На другый рік буду на ріці отдыхати,авать у Солотвино підеме,авать у Косино,авать у Велятино,авать у Чорна гора,авать у Дідове.Спечу солонину ,дараб мняса запацуву на шашлик,парадичку си домашню розріжу,сливовицю си потягну,радійов ми у машіні буде густи,а ни йся анімація,цімборы зо мнов будуть, нап‘ємеся, наговоримеся,нафіглюємеся!»

Ледвы дочекав сараку кониць отдыха.Приїхав у рідні краї,никать на свої хащі,горы,усьо му щи май милоє стало и думать си: «Перебачте ми мої рідні верба,береза,дуб,штом ся фоткав из пальмов!Фрац у ня сів,вы мої рідні,я вас люблю май на світі!А пес?Типир ся з ним уфоткаву доста,а ни з мавпов за 10 євро.И з коньом тоже замість верблюда,и з сусідом першым!»
.....Пройшов тыждинь,усьо наш закарпатиць поробив,што ся запустило докідь він отдыхав,нарозказовав рідным,што відів у далекых краях,поникав си на жону тай каже: «Е ,жоно, ачинь підеме й на другый рік на море.Видить ми ся, ош май ліпше ся чуствуву після соленої воды»
******************************
Маріка Данканич
07.09.2019

Нагадаємо, у мережі показали найкоротший проморолик історичних пам'яток Закарпаття.

Читайте на ГК:До уваги закарпатців: Львівська залізниця інформує про зміни у розкладі руху приміських поїздів
Читайте на ГК:Черги на кордоні: у черзі на кордонах Закарпаття стоїть більше півтори сотні автомобілів
Читайте на ГК:"Діма і Владка на полі": мережу підкорює черговий кумедний ролик закарпатського гумориста (ВІДЕО)
Стрічка