1. Новини Закарпаття
  2. >

Гуморист Михайло Чухран написав новий вірш про пляжний сезон на Закарпатті

08.08.2018 08:38 Суспільство Лайт

Вірш Михайло Чухран оприлюднив на своїй сторінці у Фейсбук.

На березі рікы

Зобрався я на річку, 
Бо літо же, жара,
Узяв з собов Марічку
Тай пива пув-відра.

Узяв и хліба й соли,
Ракаш породичок,
(Бо не любив ніколи
Голодных Марічок),

Покровчик – простелити,
Папірь – замість стола,
Погар – обы не пити
Як кажут, “из горла”.

Узяв и солонину,
Надів на ся плавкы;
Ий, файно удпочину
На березі рікы!

Прийшли мы на природу -
Травичка, рінь, пісок,
И множество народу,
Ги в хащи мурянок.

- Марічко, роздівайся, 
Сюда, пуд корч, сідай!
Лупи варині яйця
И солонину край,

Бо я такий голоден,
Што їв бы-м и траву,
Но їсти я не годен,
Аж докі не сплыву!

Марічка зняла шорты,
Стягнула майку гет...
Я остовпів - до чорта!
Купальник є ци нєт?!

Трикутничок малинький,
Избоку мотузок,
А меже половинкы
Затягнутий шнурок.

При тому ще й не мала
Цілком горі “верьха”
И видко, не бояла
Она ся нич гріха.

Так добре бы для німця,
То їм не новина,
Но не для українця,
Майточно - русина.

Мені недобре стало,
Потéмніло в очах,
Забов я и про сало
И пиво у корчах.

Йсе шок для організма,
Якоє туй пивко -
Тадь за соціалізма
Так не ходив ніко!

Хыба уже забытый
Фасон Країны Рад,
Коли и вирьх закрытый
И низ – перед и зад?

Плавкы ми, перебачте,
Зробилися малі...
Самі у воду скачте
Из берега, з землі!

Не йду на сонце з тіні,
Себе ся сам ганьблю -
Такоє я бікіні
Не вижу й коли сплю…

З нив не купався разом,
Казав, што нібы лінь...
Най має другым разом
Купальник до колін.

Товды не пущу слину
Из рота на плавкы,
Ай справді удпочину
На березі рікы!

И буде всьо у межах -
И тіло и душа,
Товды не буду лежа
Писати я вірша!

Нагадаємо,закарпатський письменник написав вірш про чупакабру.

Читайте на ГК:Сьогодні на Закарпатті очікується до 33°С тепла
Читайте на ГК:Напад на закарпатських ромів у Києві: координатору С14 пом'якшили запобіжний захід
Читайте на ГК:Новини Закарпаття, Виноградова, Мукачева, Берегова та Ужгорода 7 серпня 2018 року
Цей матеріал також доступний на таких мовах:Російська

Якщо ви знайшли помилку на цiй сторiнцi, видiлiть її мишкою та натисніть Ctrl+Enter

Стрічка
Система Orphus